「視帝」黃子華昨晚現身無綫慶祝活動,對於國際影壇巨星周潤發欲返娘家拍劇,子華直言也想合作,即使當衙差小角色也不介意,期間更獲「宿敵」張智霖(Chilam)送上簽名唱片,二人甫見面即咬耳仔密密斟,Chilam笑指十年前已向高層建議與子華合作,惟至今尚未能成事。
「萬千星輝頒獎典禮2013」昨晚於電視城舉行慶祝晚宴,「視帝、后」黃子華、田蕊妮、張智霖、岑麗香、朱晨麗、吳卓羲、洪永城和黃翠如等出席,行政主席梁乃鵬致詞時,透露原定上月搞慶功,惟當時撞正邵逸夫離世,故延至昨晚才舉行,對於早前有指Chilam不滿得「最受歡迎電視男角色」,梁乃鵬否認對方為此不開心:「佢係Cool魔,所以用呢種形式去表達。」
兩年不拍劇
黃子華笑指獲母親提醒,是晚特別前來多謝無綫,給予如此高分量的獎項給他,問到會否再為無綫拍劇?子華笑謂:「呢兩年都冇時間,知發哥話返嚟拍,我梗係想拍!(同發哥合作?)好難,如果佢肯我肯,發哥做縣官,我就做當年發哥做嘅衙差。」談到會否想跟Chilam合作?子華幽默地謂:「Chilam做飛機師,我做空少,係凶兆個『凶』,有機會我想拍老十幾年嘅小強係點,不過依家搵Do姐拍好難,佢唔拍劇,大家生活時間完全相反。」
送簽名唱片
抱恙的Chilam則姍姍來遲,甫現身即與子華咬耳仔,子華摸住Chilam腹肌,Chilam亦向對方送上簽名唱片,一臉病容的他被問到是否因裸泳冷到?他說:「應該喺飛機度凍親(子華想同你拍劇!)呢樣嘢十年前已同高層提議過(梁乃鵬台上話你冇唔開心!)真係,係美麗誤會,我已得到好多,呢個獎好有分量(幫TVB再拍?)自己都期待,等安排,首先要拍《衝上雲霄》電影版。」至於阿田也表示想跟子華及Chilam兩位型男合作。
![0212-00282-033b1](http://dayo-wong.com/wp-content/uploads/0212-00282-033b1.jpg)
黃子華以Johnny Depp造型現身,跟田蕊妮相映成趣。
![0212-00282-033b5](http://dayo-wong.com/wp-content/uploads/0212-00282-033b5.jpg)
Chilam向子華送上唱片。