真男神黃子華即將與女神陳法拉演出舞台劇,日前加場飛極速被掃光,號召力認真驚人!而子華神同法拉都已經開始密鑼緊鼓為舞台劇進行綵排,子華今日約下午1時由北角寓所揸車到大角咀一大廈,泊好車後將車匙交給保安,見到現場一大班記者守候,他見狀即攤大手笑住話:「有乜大事發生?」記者再問啲飛炒到成萬蚊一張?子華頭擰擰說:「悲劇!好抱歉我都冇飛!(有幾多飛債?)多到我都唔敢聽人電話。」
及後,子華開始撐樓梯到位於6樓的綵排室,撐到半路時,子華問尾隨的記者「得唔得?」而子華更叫已於綵排室的法拉出嚟影相,十分識做!法拉見到大批記者即說:「好想影低呢個場面。(排成點?)好開心。(學到咩嘢?)有有有。」子華隨即推法拉入房,又笑指法拉敷衍記者。
真定假呀?子華!
今日下午子華揸車到大角咀一大廈綵排。
見到咁多記者,子華攤大手問:「有乜大事發生?」。
記者尾隨子華上樓梯,佢仲關心問:「得唔得?」
終於到喇!
子華叫埋法拉出嚟受訪。
企定定影相。
子華覺得買唔到飛呢件事係一個悲劇。
講咗幾句,佢哋就入番去。